İşi altun iden sāḳī gümiş peymānedür dirler

|p61

mefāʿīlün mefāʿīlün mefāʿīlün mefāʿīlün

İşi altun iden sāḳī gümiş peymānedür dirler

Ḫarābātı görenler hep bu devlet-ẖānedür dirler

Dolular nūş idüb ider güzeller āşinālıḳlar

Egerçi meclis·i meyden melek bīgānedür dirler

Açılmış gülleri bāġuñ senüñ bu ḥüsn ile çaġuñ

Mey ü maḥbūbı terk eyleyene dīvānedür dirler

Yüzüme baḳ göziñi aç ġurūr·ı salṭānatdan geç

Nice begler uyutmışdur cihān efsānedür dirler

Geçüb meyẖāne ṣadrına ḳadeḥ nūş eyle beglik sür

Necātī pīş-ẖān taẖtın bu gün şāhānedūr dirler

Ali Nihad Tarlan, Necāti Divanı -

  Necati Bey Hayatı

Necati Bey Şiirleri