İstemem könglümni iylerde hayâl ol mâhnı
06.04.2016
İstemem könglümni iylerde hayâl ol mâhnı
Kim tahayyül birle seyr iyler n’iter hem-râhnı
Könglüm ister ni tiler min barıng ey ay u kuyaş
Sizni köngli istemes ol kim tiler dil-hâhnı
Okı zahmın ten ara ol yüz hayâli yarıtur
Eyle kim Yûsuf cemâli rûşen itkey çâhnı
Cân u akl u hûşdın kiçkil diding kıldım kabûl
Terk itealman n’itey nezzâre-i geh-gâhnı
Garka boldı nâtüvân cismim sirkişkim bahrıda
Gerçi su niçe tireng bola çumurmas kâhnı
Âşık irseng körmegil ey şeh gedâlarnı hakîr
Kim belâlıg ışk fark itmes gedâ vü şâhnı
Ey Nevâyî yâr işiki pâklerge kıbledür
Kılagıl köz kanıdın âguşte ol dergâhnı
(Türkay 2002: 466)
