Ķaśide-yi Źātį DernaǾt-ı Seyyidü’l-Kevneyn ve Ħayru’l-Farķeyn

Ķaśide-yi Źātį DernaǾt-ı Seyyidü’l-Kevneyn ve Ħayru’l-Farķeyn Śallallāhu

ǾAleyhi ve Sellem53

MefǾūlü / MefāǾįlü / MefāǾįlü / FeǾūlün

1. Ey źāt-ı şerįfüñ gül-i gülzār-ı risālet

Elfāž-ı şerįfüñ şekeristān-ı belāġat

2. Ey hemnefes-i Ǿarş-nişįnān-ı melāįk

V’ey şāh-ı cihān pādşeh-i Ǿālem-i vaĥdet

3. Ŧayy eyleyemez refref-i žann rütbe-yi ķadrüñ

Cibrįl-i Ǿuķūl anı niçe ide ĥikāyet

Ey mebde-yi bünyād u cihān şehr-i nübüvvet

5. Ħurşįd-i viśālüñ iricek burc-ı vücūda

ǾĀlem açılup gide ķamu leyl-i đalālet

6. Deryā-yı đalāletde ķalurdı ķamu Ǿālem

Olmasañ eger bedraķa-yı necm-i hidāyet

7. Ķurtuldı ĥadįŝüñ işiden cümle ĥadeŝden

Ey bāġ-ı vefā bülbül-i gülzār-ı nübüvvet

8. Sen ümmetüñi isteyesin Ĥażret-i Ĥaķdan

Nefsį diyicek cümle nebį rūz-ı ķıyāmet

9. ǾĀśįleri emvāc-ı Ǿazāb eyleridi ġarķ

Olmasañ eger mālik-i deryā-yı şefāǾat

10. Ĥaķ ķudret eliyle urucaķ žaĥruña mühri

Gönderdi seni ümmetüñe nāme-yi şefķat

11. Māhuñ siperin muǾcize tįġiyle felekden

İtdüñ iki şaķ gördi anı ehl-i vilāyet

12. Çeşm’eyledüñ engüştüñi gördi ķamu Ǿālem

Dil-teşne durur muǾcizeñ ābına beġāyet

13. Ey ħātem-i mecmūǾ-ı nebi mehbiŧ-ı Ķurǿān

Ħatm olmış idi muśĥaf-ı ĥüsnüñde melāĥat

14. Źātuñda senüñ yoġidi bir źerrece bed ħū

Āteşde bürūdet nitekim śuda yübūset

15. Ervāĥ-ı Nebi Ķudsde cemǾ oldı serāser

İsrā gicesi cümlesine itdüñ imāmet

16. Cibrįl-i ħıred k’işide eczāsı olur gül

Bir demde ki itdüñ ŧoķuz eflākı seyāĥat

 [21b] 17. MiǾrācda bulduñ şu ķadar Ĥaķķile ķurbı

Gūyā ki hemān cān u ten ü nār-ı ĥarāret

18. Keşf oldı saña perde-yi esrār serāser

Ĥaşr ola vü evśāfuña olmaya nihāyet

19. Śad-bār selām anlaruñ ervāĥına bizden

Yirüñde ki ol çār Ǿazįz itdi ħilāfet

20. Ķandįl-i revāk-ı śıdıķ-ı ĥażret-i Śıddįķ

Żıdd-ı şeb-i şekk şuǾle-yi mıśbāĥ-ı śadāķat

21. Ħışmile nažar ķılsa güneş bįfer olurdı

Fārūķ-ı cerį pādşeh-i mülk-i śalābet

22. Sulŧān-ı eķālim-i ĥayā ĥażret-i ǾOŝmān

Şāh-ı büleġā server-i erbāb-ı feśāĥat

23. Mįr-i Ǿulemā kān-ı kerem Ĥaydar-ı Kerrār

Maķbūl-ı Ħudā ceyş-i Nebį şāh-ı vilāyet

24. Ezvācuña vü ālüñe evlāduña bizden

Her gāh selām ey şeh-i erbāb-ı şefāǾat

25. Źātįnün idersin ķamu müşkillerini ĥall

 Ŧapuñda irerse ger aña Ǿavn-ı Ǿināyet

26. Düşürmedügi miśķale-yi źikrüñi dilden

Budur ki virür āyine-yi ķalbe śūret55

27. Ĥaşr ola ümįdim bu ķıyāmetde senüñle

Bunı işidüp kim diye āmįn aña raĥmet

Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012

 Zati Hayatı

Divanı Mecmuat’ül Letaif

Şem ü Pervane

Zati ile Mesihi atışmas