Kemân u tîrdür gerçi dile müjgân u ebrûsı

Kemân u tîrdür gerçi dile müjgân u ebrûsı

Şikâr-ı şîr ider ammâ dilerse iki âhûsı

 Gelüp hışma kaçan kim isteye katlini ‘uşşâkuŋ

İder ol gamze-i cellâda fermân çeşm-i câdûsı

3. Velî bî-tîg u bî-cellâd âdemler helâk eyler

 Teg ü tenhâ yatan ol gerdeninde hâl-ı Hindûsı

 Habeş sultânı Rûmı itmege gâret akın salmış

 Gelüp ser-çeşme-i la’linde ey dil kondı câsûsı

5. Var ey peyk-i sabâ NEHCÎden ol şâha niyâz eyle

 Ayâgın öpme ammâ itmeden evvel zemîn-pûsî

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR