Leb-i dil-dāre revnaķ cūşiş-i tebħāleden gelmiş

MefāǾįlün MefāǾįlün MefāǾįlün MefāǾįlün

1 Leb-i dil-dāre revnaķ cūşiş-i tebħāleden gelmiş

O gülberk-i tere tāb u ŧarāvet jāleden gelmiş

2 Gören püskürme ħālin rūy-ı alında o şūħuň dir

Benekli bir ķumāş-ı tāzedür Bengāleden gelmiş

3 İder įrāŝ-ı şöhret ferǾ-i zįbā aśl-ı nāçize

Beyāzuñ irtifāǾ-ı ķadri ķat ķat lāleden gelmiş

4 Ruħ-ı sāķį gül-i şād-āba dönmiş neşǿe-i meyden

Bu tāze āb u tāb ol āteş-i seyyāleden gelmiş

5 Śaķın bu kār-ı nā-hem-vār ile şöhret pezįr olma

Hemįşe sūǿ-i źikr-i Sāmirį gūsāleden gelmiş

6 Görüp ol gül-ruħuň destārın ilde bį-ķarār oldum

Dile ser-keştelik ol şuǾle-i cevvāleden gelmiş

7 ǾAceb kim ħalķa-i āġūşdan yār ictināb eyler

Kemāl-i kevkebe görmez mi māha hāleden gelmiş

8 İder āh u fiġān erbāb-ı Ǿaşķı muǾteber Ĥāmį

Hezārā gülşen-i Ǿālemde raġbet nāleden gelmiş

Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017