Mantıku’t-tayr özge bir dildür Süleymân fehm ider bu remzi ‘Attâr-ı Nişâbûrî

1. Muşa’şa’ eyledüŋ sâkî elüŋde câm-ı billûrı

 ‘Aceb işrâkı var kıldı münevver dilleri nûrı

 İnâ-yı mâhı mihrüŋ çeşmesi gark eylemiş sandum

 Mey-i pür-feyz ile memlû görince zarf-ı billûrı

3. Hayâl-i rûy-ı tâbânuŋla her şeb sîne pür-tâbuz

 Yanar kâşânemüzde subh olınca şem’-i kâfûrî

 Debistân-ı mahabbetde ararken âyet-i hüsnin

 Cemâli mushafın açdı okutdı sûre-i Nûrı

5. Ruhuŋ tâbına tâkat itmeyüp dil oldı nâ-peydâ

Şehâ nûr-ı tecellî yine gör mahv eyledi Tûrı

 Uçup nîrû-yı bâl-i himmet ile Kâfa ‘azm itdüm

 Yetişdürdi hidâyet Hüdhüdi ‘Ankâya ‘usfûrı

7. Bilinmez sırrı NEHCÎ Mantıku’t-tayr özge bir dildür

 Süleymân fehm ider bu remzi ‘Attâr-ı Nişâbûrî

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR