Mesnevi : Tanrı didi “Sayru oldum” Musa’ya
Fâ ‘i lâ tün Fâ ‘i lâ tün Fâ ‘i lün
Tanrı didi “Sayru oldum” Musa’ya
Kendü dostın kişi böyle isteye
Ulu kiçi geldi beni görmege
Nitedür kim gelmedün sen sormaga
Mûsâ didi “Haşa senden sayrulık
Sen Hâlik’sın sana kandan sayrulık”
Yine didi “Sayru oldum gelmedün
Didügüm sözi hisâba almadun”
Mûsâ didi “Bu sırrı anlamazam
Maksûdın nedür bu sözden bilmezem”
Tanrı did “Sayru oldı bir velîm
Dünya içre sayrulık dartdı delîm
Bir gün anı nişe varup görmedün
Nitesin diyüp hâlinden sormadun
Ben anun sayrulugından sayruvam
Sanma kim ben ol velîden ayruvam
Kim anı göre beni görmişdür ol
Kim anı sora beni sormışdur ol
Beni anda anı bende görünüz
Beni andan anı benden sorunuz
0
0
Yorum Yapmak için Kayıt Olun veya Giriş Yapın