Naśįb śāĥibini bulmaġa bahāne arar

MefāǾilün FeǾilātün MefāǾilün FeǾilün

1 Naśįb śāĥibini bulmaġa bahāne arar

Sebeb bu ki gedā rızķını ħāne ħāne arar

2 Egerçi rızķı anı bulmaġa bahāne arar

Niçün gedā ŧolaşup anı yana yana arar

3 Şebāne śoĥbeti murġ-ı seĥerle ŧuymaġ içün                                                                                               

19b Şāhidüm] Şāhida olsam] olsa

21a bezmümdür] nažmumdur a dile] n’ola

1b bu] nedür MK2, rızķını] rızķı

Dehān-ı ġonçe-i şebnem ne nāzikāne arar

4 Ola muŧābıķ-ı ħayrü’l-umūr o saŧha

Temāyül itmeye dil dilber-i miyāne arar

5 Ne tünd-ħū ola ġāyet ne pek mülāyim ola

Göñül kemer gibi bir dilber-i miyāne arar

6 Ħayāl-i yāri görüp śaĥn-ı sįnede didi dil

ǾAceb diyār-ı vefāda bu bį-vefā ne arar

7 Gelince ħaŧ ruħ-ı dildāra geldi sįneye dil

Görünse žulmet-i şeb murġ-ı āşyāne arar

8 Arar mı maŧlab-ı aǾlāyı dūn-ı himmet olan

Ararsa gāhį arar daħı kehrübā ne arar

9 Göñül şifā-yı maraż kimden olduġın bilmiş

Ne hüner-bā ŧaleb eyler ne rāziyāne arar

10 Ayaġın öpmege gülşende cūy-ı eşk-i terüm

O serv-ķaddi varup sū-be-sū revāne arar

11 Eger seni aramaz söyle ey gözi āhū

Gezer zaġar gibi aġyār cā-be-cā ne arar

12 Ola miŝāl-i gül ü āftāb-ı jāle gibi

Göñül ķapılmaya bir dilber-i yegāne arar                                                                                                         

13 O da benüm gibi bilmem dilini eyledi kem

Ki mū-be-mū küre-i zülf-i yāri şāne arar

14 Gelür mi ħāŧıra Ǿişret maĥall-i mehlikede

Olınca murġ-ı giriftār śanma dāne arar

15 Gelür gider o perį ħalvet-i derūna nihān

Feżā-yı āyinedür bunda naķş-ı pā ne arar

16 Seni arar var mı bezm-i yārda bilmem

Hele bizi ne śorar var Ĥāmiyā ne arar

 Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017