GAZEL
Mefâ'îlün / mefâ'îlün / mefâ'îlün / mefâ'îlün
Ne dehrün bendesi ne şâh-ı âlî-şânıyuz cânâ
Esîrün olalı milk-i gomun sultânıyuz cânâ
Bizi egler gam-ı aşkundan bir künc-i ferâgat yok
Bu meydân-ı belânun gûy-i ser-gerdânıyuz cânâ
Ferahdan ağlaruz gamdan güler biz özge abdâluz
Lebünle hattunun geh mest ü geh hayrânıyuz cânâ
Vuhûş-ı deşt ile gündüz müsâfir kûh u sahrâda
Kilâb-ı kûyunun şeb-tâ-seher mihmânıyuz cânâ
Olaldan halka-i zülfünle Nev’î bî-ser ü sâmân
Muhabbet bezminün ser-halka-i rindânıyuz cânâ
Malkaralı Nevi Hasbıhal Hadis'i Erbain'i ile Mensur Eserleri