FāǾilātün FāǾilātün FāǾilātün FāǾilün

 

1 Neşǿe-i mey ġāze-i ruĥsār-ı āl olmış saña

 Revġan-ı gül dühn-i ķandįl-i cemāl olmış saña

2 Oldı zįr-i lebde fikr-i būse ġarķ-āb-ı dehen

 Leb şeker ġabġab turunc u portaķal olmış saña

3 Ĥüsnüñi taśvįr iden naķķāş dest-efşān olup

Reşĥa-pāş olmış ķalem püskürme ħāl olmış saña

4 Şįr-i meĥtāba çalınmış māye naħl-i ŧūrdan

SāǾid ü sįmįn u sāķ-ı bį-miŝāl olmış saña

5 Ġayra ĥalvā gibi ĥāžır śulĥa mūm ol şehd-i leb

Yan yaķıl ey dil ne mūm olmış ne bāl olmış saña

 

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017