Fāʿilātün fāʿilātün fāʿilātün fāʿilün
Neyledüm n'etdüm günāhum bilmezem bu ben ġarīb
Gördügince yüz çevürür yüzüme baḳmaz ḥabīb
Gāh ki bir göz ucıyla merḥabā eylerdi yār
Yine beñzer ki araya fitne bıraḳdı raḳīb
Cān żaʿīf oldı firāḳuñdan meded ḳıl dōstum
Ḫaste dil derdine luṭf it gel ʿilāc et ey ṭabīb
Zülfüñüñ çengāline urma raḳībi ẖışm idüp
Hey bu bir kelb·i laʿīndür taḳ bunuñ boynına īb
Ṭāliʿüñ yoḳdur güzellerden ey Mihrī çāre ne
Ḳısmet·i rūz·ı ezelde saña bu olmış naṣīb
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
0
0
Yorum Yapmak için Kayıt Olun veya Giriş Yapın