Nitekim yārüñ yolında cān virüp itdüm heves
Fāʿilātün fāʿilātün fāʿilātün fāʿilün
Nitekim yārüñ yolında cān virüp itdüm heves
Vuṣlatına bulmadum ʿālemde bir gün dest-res
Yıllar ile görmezem yārüm yüzin ben müddeʿī
Sāyesi gibi ḳatından eksik olmaz bir nefes
Lāʿl·i şīrīnüñe ben cān virürem irmez elüm
Āh kim ḳarşumda dāˀim lā-tekellüf yer mekes
Nice feryād idesin ʿışḳuñ belāsından göñül
Bulmaduñ ʿālemde çün feryāduña feryād-res
Kūyuñ içre geceler tā ṣubḥ olınca dōstum
İtlerüñle hem-dem olduġum baña ʿālemde pes
ʿĀşıḳuñ ḳadrin bilür yolında cān virseñ revā
Bī-vefā hercāˀiler sevdāsına yelmek ʿabes
ʿĀrife bir ḥarf pesdür hiç taṭvīl eyleme
Ṭāliʿüñ yoḳdur güzellerden ey Mihrī sözi kes
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
