Nutk-ı Şerif Sana bir mürşid-i kâmil gerek

Nutk-ı Şerif Sana bir mürşid-i kâmil gerek

Sana bir mürşid-i kâmil gerek ahvâlini muslih

Selîm itmek içün kalbin ola ol bâlini muslih

Bilüp ahkâm-ı rü'yâyı vü fetvâyı vü takvâyı

Ola evsâfını akvâlini a'mâlini muslih

Huzûr-i Hakk'da her bir gizli sırrın olmadan zâhir

Serâirde zemâimden ola eşgâlini muslih

Hisâb olmazdan evvel bildirüp nefsin hisâbını

Sana her dem ola müşkil olan eşkâlini muslih

Tabîb-i kalb-i rûhânî idüp Nûrî kulun Mevlâ

Olur kalbindeki emrâzını âmâlini muslih

Abdülahad Nûrî Şair ve Şeyh