O tıfl-ı nâz-perverdin cefâsı artar eksilmez

Gazel  

mefâ’îlün mefâ’îlün mefâ’îlün mefâ’îlün

O tıfl-ı nâz-perverdin cefâsı artar eksilmez

Velî pek şûhtur kim mübtelâsı artar eksilmez

Gönül deyr içre bir tersây ile zünnâr-bend oldu

O kâfir-mâcerâdır mâcerâsı artar eksilmez

Harâbât-ı elestin mesti olmak hayli müşkildir

Egerçi bâde-i kâlû belâsı artar eksilmez

Belî bezm-i visâlin nağme-i şevkı de var ammâ

Ne çâre sûziş-i vâ hasretâsı artar eksilmez

Nice vakt oldu Tâ’ib biz ki mehcûr-ı Sıtanbuluz

Hayâl-i dîdede âb u hevâsı artar eksilmez

İpekten, Halûk, M. İsen, T. Karabey, M. Akkuş (2004)."XVIII. Yüzyıl Dîvân Nazmı". Büyük Türk Klâsikleri. C. 6. İstanbul: Ötüken Söğüt Yay. 218.

Osmanzade Taib Hayatı ve Şairliği

Osmanzade Ta'ib Divanı ve Diğer Eserleri