Ol mübārek ẕātuña her demde ṣıḥḥat yaraşur
Fāilātün fāilātün fāilātün fāilün
Ol mübārek ẕātuña her demde ṣıḥḥat yaraşur
Ol muṭahhar cismüñe her anda rāḥat yaraşur
Dār·ı rifʿatde ṣafā vü zevḳ(i)le leyl ü nehār
Ṣaḥn·ı şıḥḥatde güzel ẖānumla ṣoḥbet yaraşur
Ol vücūd·ı nāzenīnüñden ırāġ olsun elem
Düşmenüñe ẖāne·i ġam içre miḥnet yaraşur
Teb niçün ṭutar seni ṭutsın rakīb·i kāfiri
Saña ṣıḥḥatler ʿadūña renc ü ẕillet yaraşur
Tīġ·i ḳahr ile ʿadūñuñ başını ḳaṭʿ etmege
Ẕātuñā cürˀet vü hem bāzūña ḳuvvet yaraşur
Ney gibi iñleyen her dem ḥasūd olsun müdām
Çeng ü ḳānūn ile her dem saña ʿişret yaraşur
Ḥaḳ baġışlasun ilāhī seni ol vālīdeñe
Kim anuñ bir dānesisin saña rif'at yaraşur
Ḥamdülillāh kim mülāḳāt oldı Mihrī-dāʿīye
Dir görenler ẕātuña erkān·ı devlet yaraşur
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
