|p55
fāʿilātün fāʿilātün fāʿilātün fāʿilün
Ol perī perçemlerinden çengine çevgān alur
Her kimüñle ḥüsn ṭopın oynasa meydān alur
Nūş ider bīgānelerle Rūm ili ṭoluların
Āşinālar bezm·i ġamda cān virüben cān alur
Bülbülüñ āhından almaz ol gül·i raʿnā dirīġ
Ḥüsnine maġrūr olub çoḳ nāle vü efġān alur
Derd-mend olanlaruñdur devlet·i dārüˀş-şifā
Ḳanḳı bī-devletdür ol kim derdi ḳor dermān alur
Rūzigārā idemezsin yārumı benden cüdā
Fāriġ ol ey müddeʿ cānı viren sulṭān alur
Hep Ḳaraman baẖşişidür rūzigāruñ virdügi
Ḥāẓır ol kim virdügin senden girü devrān alur
Gerci ṣaf çekdi Necātī ʿaḳl ü nāmūs u ṣalāḥ
Ġamze·i sāḳī bu resme düşmanı āsān alur
Ali Nihad Tarlan, Necāti Divanı -