Pür-gūluķ itme nāle vü zāruñ kes istemez

MefǾūlü FāǾilātü MefāǾįlü FāǾilün

1 Pür-gūluķ itme nāle vü zāruñ kes istemez

Ey Ǿandelįb o gül uyumuşmuş ses istemez

2 Erbāb-ı cāha cūd gerek nākes istemez

Cevr ile cūd nākesi hiçbir kes istemez

3 Güft u şenįdüň ebkem olur tercemānları

AǾmā ile mücāleseti aħras istemez

4 Virmez Ǿaśįr-i nevmi dirįne neşǿesin

Maĥbūb daħı mey gibi pek nevres istemez

5 Çirk-i derūnı bāde-i Ǿirfān nažįf ider

Ġusl-ı cenābet-i dil içün mıġŧas istemez

16a intiĥāl itmez] intiĥāb olmaz MK1

16b erbāb-ı ħırmen] erbāb-ı ĥırs MK1

6 ǾĮsį gibi mücerred olur rifǾat isteyen

Ġılmān-ı Türk cāriye-i Çerkes istemez

7 Jūlįde mūy-ı ser yeter Ǿabdāl-ı Ǿaşķa tāc

Çaķmaķlı bend-i śarıġı n’eyler fes istemez

8 Dü rūze bāġ-ı dehrde Ǿārif çü müşk-i bįd

Peşmįne ile ķāniǾ olur aŧlas istemez

9 Uġratma bezme zāhid-i süflį ŧabįǾatı

Bu şāh-bāz lānesidür kerkes istemez

10 Ķovsaň gider mi rişte-i iĥsāna bend olan

Murġ-ı dile kerem gibi bir maĥbes istemez

11 ǾĀrif miŝāl-i şekl-i kirį yek-cihet gerek

Bālā vü zįr pāye pįş ü dil-pes istemez

12 Bir Āmidiyye dilberi ister mi dil dedim

Gösterdi lehcesin didi ister bes istemez

13 İŧfā-yı nār-ı cūǾ ider ey faķr-ı nān-ı ħuşk

Tennūr-ı miǾde etǾime-i enfes istemez

14 Ĥāmį bu nažm-ı tāzenüñ ister nažįresin

Yüz kes bahāne eyleseler üz kes istemez

Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017