Revā mıdur ki güneş yüzüñe ḳamer diyeler
21.03.2016
117
mefāʿilün feʿilātün mefāʿilün feʿilün
Revā mıdur ki güneş yüzüñe ḳamer diyeler
Gice ̮ile seyre çıḳarsañ daẖi neler diyeler
Yüzümi ayaġuña süreyin nice ̮olsa gerek
Nihāyeti bu ki sen serveri sever diyeler
Mesīḥa ṭaʿne urub leblerüñ didi ne ʿaceb
Ki bir ölüyi diri ḳılmaġa hüner diyeler
Lebüñ ḳatında ne lāzım ki ġoncayı añalar
Bir iki yaẖası açılmaduḳ ẖaber diyeler
Levend ü müflis ü dīvāne vü faḳīr ü ḥaḳīr
Necātīyem umaram daẖi beş beter diyeler
Ali Nihad Tarlan, Necāti Divanı -
