Rûh-u Sâni

 

Dilin her dâğının bir mihr-i rahşân olduğunu görsem

Sipihrin âteş-i reşk ile sûzân olduğunu görsem

 

Serâpâ dûd-ı âh-ı âteşînim tutsa eflâki

Çerâğ-ı bahtımın bir kez fürûzân olduğun görsem

 

Derûnum feyz-yâb-ı ye's kılsa baht-ı vârûnum

Sipihrin zulm ü cevrinden peşîmân olduğun görsem

 

Görüp âlemde nâ-kâm olduğum derd-i muhabbetle

Rakîbin bir zamân ömründe şâdân olduğun görsem

 

Gönül hem şûle-i seyyâle-i dîdâr olup Galib

Remâd-ı unsurun mahv ü perîşân olduğun görsem