Ruẖuñ envār·ı şevḳinden ṭolupdur bu cihān āteş
21.10.2020
Mefāʿīlün mefāʿīlün mefāʿīlün mefāʿīlün
Ruẖuñ envār·ı şevḳinden ṭolupdur bu cihān āteş
Vücūdum mülkini yaḳsa ʿaceb mi her zaman āteş
Yaḳup ʿışḳuñ odın sīnemde dāˀim saḳlaram cānā
Anuñçün ẖāne·i dilde yanar her dem nihān āteş
Firākuñla visālüñle dil·i mehcūr ey dilber
Olur her nār bir gülşen olur her gülistān āteş
İlāhī gülşen·i ḥüsnin gözüm yaşı ile sen saḳla
Ṭolupdur gerçi āhumdan zemīn ü āsuman āteş
Çıḳar cān rāẖtını şehr·i bedenden Mihrī dil-ẖaste
Fedā ḳıl yār olunda ki ider nā-geh ziyān āteş
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
