07.10.2017
Safha-i rûyuŋ ki mihr ü mehden ahsendür baŋa
Huccet-i hüsnüŋle bu ma’nâ müberhendür baŋa
Âfitâbuŋ rûy-ı cân-efrûzına yok nisbeti
Günden ey mihr-i cihân-ârâ bu rûşendür baŋa
3. Dest-i sâkî şâh-ı gül mey-hâreler bülbülleri
Bezm-i bâde bi’llâh ey dil sahn-ı gülşendür baŋa
Dôstlardur düşmenüm ta’ne iderler hâlüme
‘Işk ile tâ âşinâyam dôst düşmendür baŋa
5. Cân u ten terk eyledüm cânâna kıldum cânı ten
Sanma NEHCÎ vasla mâni’ cân ile tendür baŋa
Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012
0
0
Yorum Yapmak için Kayıt Olun veya Giriş Yapın