Şâh-ı ‘âlemsin n’ola virsek dil ü cânlar saña
11.04.2016
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Şâh-ı ‘âlemsin n’ola virsek dil ü cânlar saña
Saglu sollu hıdmete lâzımdur oglanlar saña
Oturur etrâfuñ almış bî-bedel mahbûblar
Ay efendi hâle olmış mâh-ı tâbânlar saña
Ol iki kâfirlere yüz virme şâhum zulm ider
Beddu‘â itmek revâ mıdur müselmânlar saña
‘Âlemüñ ma‘mûresin tutmakta iller çengeli
Sâkin ol ey dil ki tenhâ kıldı vîrânlar saña
Gözleri yaşın Behiştî’nüñ dökersin kan idüp
Yoluña gelmez kalur mı dökdügüñ kanlar saña
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/Eklenti/10597
