Sâkî ne meyden oldı o çeşm-i siyâh mest

Sâkî ne meyden oldı o çeşm-i siyâh mest

 Mest ola lîkin olmaya böyle siyâh mest

 Çeşmüŋ ki mest-i nâz yatur nâz-ı mest-i nâz

 Mey-hâre mest-i mest mey-i bâde-hâh mest

3. Bezm ü şarâb ü sâgar olur mest-i pür-hurûş

 Mestâne çıksa meclise çeşm ü nigâh mest

 Salma nigâh-ı mesti düzüp ‘işve ‘askerin

 Eyler harâbe ‘âlemi şâh u sipâh mest

5. Kılsaŋ hırâm cilvelenüp mest sîne çâk

 Olur hırâm u cilve dahı cilvegâh mest

 Kırsa cihânı gamze-i mestüŋde yok su’âl

 Kim gördi böyle hûnî vü hem bî-günâh mest

Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012

BESNİLİ NEHCİ DEDE KİMDİR