Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Sanma ruhsâruñ öpen nefsâni hâlet gösterür

Agzına âteş alup halka kerâmet gösterür

 

Su gibi göñlüm gözüm saña nice meyl itmesün

Kaddüñ ey serv-i hevâ-bahş istikâmet gösterür

 

Cevrüñe göre vefâ itmeñ gerek sen ‘âşıka

Pâdişâh oldur ki kullara ‘adâlet gösterür

 

Ey semend-i devlet-i dehre süvâr olan saña

Gâfil olma ki felek râh-ı felâket gösterür

 

Ey Behiştî ‘ışk-ı dil-bersiz geçen ‘ömre göñül

Bir büyük cürm eylemiş gibi nedâmet gösterür

 

 

Dr. Yaşar AYDEMİR, BEHİŞTÎ DÎVÂNI,