Sen var(i)ken ey dōst baña yār gerekmez
21.10.2020
Mefʿūlü mefāʿīlü mefāʿīlü feʿūlün
Sen var(i)ken ey dōst baña yār gerekmez
Cevrüñ çekeyüm ġayri vefādār gerekmez
Cevrüñ de vefādur baña derdüñ de devādur
Bī-mār·ı dile bir daẖi tīmār gerekmez
Cānā bu cihān içre vefādār ṣanemler
Her kūşede gerçi nicesi var gerekmez
Kūyuñda senüñ dāˀimā ʿüryān olayın dek
Cennetde baña ḥülle vü destār gerekmez
Pend itme baña yār içün yarını nāṣıḥ
Yārum baña pendüñ saña hey var gerekmez
Çeşmüñ beni öldürdi vü sen yoḳ niçe dirsin
Ġamzeñ ẖo şehādet ider inkār gerekmez
Mest·i mey·i ʿışḳ ol yüri ʿālemde ey Mihrī
Pes rind ü ẖarābāt olana ʿār gerekmez
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
