Sensüz ṣanemā cismüme bu cānı gerekemez
21.10.2020
Mefʿūlü mefāʿīlü mefāʿīlü faʿūlün
Sensüz ṣanemā cismüme bu cānı gerekemez
Cānum sen imişsün baña cān anı gerekmez
Gülzār·ı ẖadüñsüz baña ey cān·ı cihānum
Firdevs·i cinān ü gül·i ẖandānı gerekmez
Dişüñ var iken lüˀlüˀ vü mercānı niderler
Laʿlüñ var iken çeşme·i ḥayvānı gerekmez
Derdüñ yeter ey dōst benüm derdüme emsem
Dil ẖastene cānā daẖi dermānı gerekmez
Ḫaddüñle ḳaddüñ ü ruẖun var iken ey dōst
Serv ü semen ü lāle vü reyḥānı gerekmez
Cānānuñı terk it didi cānuñ gerekise
Mihrī didi cānānı gerek cānı gerekmez
Öldürmekse ey dōst raḳībī yeter elḥāḳ
Ol ḳelb·i laʿīnüñ bir avuç ḳanı gerekmez
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
