Sergüzeşt-nâme’den
Dāsitān-ı Bíve-zen ve Āfet-i ān-‘Acūze-i Mekkāre vü Pür-Fiten-i Beyān
Fe‘ilâtün / fe‘ilâtün / fe’ilün
(Fâ‘ilâtün) (fa‘lün)
Bir zamān oldı Silistre baña cā
İtdüm ol ĥıššada tenfíź-i ķażā
Rū-yı ĥandān-ı zemíndür o maķām
Šuna’nuñ sāģili nefer-i İslām
Yüricek ŝandum anı ĥuld-ı berín
Ŝanki ol nefs-i zamāndur bu zemín
āhiş āmāde müretteb ni‘met
Müte‘āķib çü nevāl-i cennet
Šuna küffār arasında berzec
Dūrdan baķar ol ehl-i dūzec
Var idi bir zen-i muģtāle miśā
Dileyi ŝatmaġa bege dellāl
Yoġ-ıdı ‘aybı o şehrüñ ebedí
Var ise ancaķ o menģūse idi
Gözinüñ birisi olup cāmid
Oldı şeyšānlıġına bir şāhid
Díde-i a‘veri šarģ olmış-ıdı
Źūr şāhid gibi cerģ olmış-ıdı
1Gösterüp naš‘-ı baŝíretde śebāt
Šarģ ile eyler idi ‘ālemi māt
Vāģidü‘l-‘ayn idi deccāl ŝıfat
Yoġ-ıdı bir gözi olsa ģürmet
Geçse bir ĥāne önüñden meśelā
Ģaşre dek çıķmaya andan ġavġā
1Girse bir ķapuya nā-geh ol şūm
Müjde eylerdi hemān bāmına būm
………….
Bünyamin TAN, HOCA NEŞ'ET'E AİT MANZÛM BİR SERGÜZEŞT-NÂME: DÂSİTÂN-I BÎVE-ZEN, https://www.turkishstudies.net/Makaleler/1826333896