GAZEL

 

 Mefâ'îlün / mefâ'îlün / mefâ'îlün / mefâ'îlün

 

Sevâd-ı çeşm-i mestinkimdeler bir dâğ-ı hasrettir

Geçerse gamzê-i tîrin cigerden câna minettir

 

Müheyyâ meclis-i Cemdir surâhî kulkul-i mînâ

Gül-i ruhsâr-ı sâkî o da mest-i câm-ı işrettir

 

Nişân vermez mi ebrûlar kemân-ı destimi fikret

Kazâ-yı sehm-i meydân-ı fezâ-yı dâm-ı hayrettir

 

Küsâyiş-bahşdır hâl u hayâl-i tâb-ı ruhsârın

Olursa hey’et-i vaslı o mihrin bana devlettir

 

Ki pîçapîç olup zülfün dil-i uşşâka dâm olmuş

Tutulmuş dâne-i ruhsârın üzre haylı san’attır

 

Hat-ı müşkîn-i yâri sen güzel vasf eyledin Tâib

Yazılmış safha-i rihsâra âyât-ı muhabbettir.

 

Osmanzade Taib Hayatı ve Şairliği

Osmanzade Ta'ib Divanı ve Diğer Eserleri