Şimdiden girü cihān ẖūblarınuñ vārına yuf

Feʿilātün feʿilātün feʿilātün feʿilün

Şimdiden girü cihān ẖūblarınuñ vārına yuf
Ḳurı daʿvālar ile itdügi iḳrārına yuf

Eyü çekdüñ bularuñ cevr ü cefāsın be yüri
Nice bir yalvaralum yārına aġyārına yuf

Hey bu rīş ẖandelerüñ bir beşi vü biñ dil ile
ʿĀşıḳuñ aldayıcı ḳavli yalan yārına yuf

Seveni sevmez ü bunlar ha sever sevmeyeni
Ḳo bu maḥbūblaruñ dünyede bī-ʿārına yuf

İʿtimād itdügiçün ʿahdine hercāˀīlerüñ
Mihrīnüñ daẖi cihāñda çürük efkārına yuf

Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4

Mihri Hatun Hayatı Şairliği