132
fāʿilātün fāʿilātün fāʿilātün fāʿilün
Şīve·i reftāruña serv·i ẖırāmān imrenür
Leẕẕet·i güftāruña ser-çeşme·i cān imrenür
Ṭurra·i pür-tābuña reyḥān ü sünbül cān virür
Lāle·i sīr-ābuña gül-berg·i ẖandān imrenür
Ḥamdü liˀllāh pādişāhum devletinde ḥüsnüñüñ
Şādīye ġuṣṣam güler derdüme dermān imrenür
Ben nice cān virmeyem şol lebleri mercāna kim
Böyle baġrı ṭaş iken laʿl·i Bedaẖşān imrenür
Mihr ü māhı ḥüsn ile meydāna çekseñ yaraşur
Sen ki zülf ü ġabġabuña gūy u çevgān imrenür
Geydürelden ʿadl·i Şeh emn ü ferāġat ẖılʿatin
Rūm iline milket·i Īrān u Tūrān imrenür
Ey Necātī sāḳīler ẖandān olubdur gül gibi
Uşbu bezm içinde kim ṣaḥn·ı gülistān imrenür
Ali Nihad Tarlan, Necāti Divanı -