Şol dil-rübā ki ʿāşıḳa yüzbiñ cefāsı var
21.03.2016
131
mefʿūlü fāʿilātü mefāʿīlü fāʿilün
Şol dil-rübā ki ʿāşıḳa yüzbiñ cefāsı var
Ḥaḳḳā ki her cefāsına biñ biñ ṣafāsı var
Yüz biñ belāsı vardurur ʿışḳuñ belā budur
Kim her belāsınuñ nice biñ mübtelāsı var
Erbāb·ı ʿışḳ āh ider aṣḥāb·ı zühd hū
Lābüd cihānda her kişinüñ bir hevāsı var
Sāyem raḳīb ola diyüben gice varuram
Gün yüzlümüñ benüm gibi biñ mübtelāsı var
Her gördügini yüz pekidüb baġrına baṣar
Āyīnenüñ güzeller ile ẖōş ṣafāsı var
Aġyār ile dirilmez isem ölme (ölüme) ḥāẓıram
Şükr·i Ḫudā ki her maraẓuñ bir devāsı var
Yā Rab ne götürür bu Necātī ki her güzel
Aña söger meger ki mücerreb duʿāsı var
Ali Nihad Tarlan, Necāti Divanı -
