Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Şu‘le kim şem‘üñ başında efser-i zer gibidür

Bir gümüş serv üstine konmış semender gibidür

 

Kadd-i Şîrîn yâdına her âhı gam Ferhâd’ınuñ

Bîsütûn tagında bir mevzûn sanavber gibidür

                                                           

Sen şu âdemsin ki ey Yûsuf-likâ nâzük tenüñ

Nûr-ı Ahmed hakıçün rûh-ı musavver gibidür

 

Âteş-i âhumdan olmışdur bu kim eflâkde

Ay u gün hâkister içre kalmış ahker gibidür

 

Ger Behiştî ‘ârız-ı yâra harîs olsa n’ola

Âb-ı sâfî teşneye cennetde Kevser gibidür

 

 

Dr. Yaşar AYDEMİR, BEHİŞTÎ DÎVÂNI,