Tâli' bu vech ile dûn serkeş nigâr böyle

Tâli' bu vech ile dûn serkeş nigâr böyle
Bî-çâre âşıkı gör baht öyle yâr böyle

Vaslında bîm-i hicrân hicrinde mihnet-i cân
Derd-i firâk öyle vasl u kenâr böyle

Ol serv-i hoş-hırâmı tenhâ bulup ne çâre
Ol bî-karâr öyle ben şerm-sâr böyle

Dildâr tünd ü ser-keş ağyârsa cefâ-cûy
N'itsün ya bülbül-i dil gül böyle hâr böyle

Ten zevrakın düşürme girdâb-ı ıztırâba
Sabr it gönül ki kalmaz bu rûzgâr böyle

Nev'î nice getürsün hicrân yüküne tâkât
Cism-i nizâr böyle cân-ı figâr böyle

 Nev'i Hayatı

Malkaralı Nevi Divanı ve Diğer Eserleri