Türkçe Dîvân’ından Muvaşşah Gazel “Hızr Bâlî”

Türkçe Dîvân’ından

Muvaşşah Gazel

“Hızr Bâlî”

Hayâl-i serv-i dil-cûyı gül-endâm u semen-sîmâ

Gözümün cûy-bârınun kenârın eyledi me’vâ

Za‘îf ü nâ-tüvân oldukca ışkında ten-i bîmâr

Dil ü cânda olur şevk-i mahabbet ezyed ü ekvâ

Ruh u zülf-i hevâ-dârınun eşki kanda kim varsa

Biter sünbül kenârında açılur lâle-i hamrâ

Bahâr-ı ‘âlem-i cândur meger ol ârız-ı gül-gûn

Nihâl-i bâg-ı cennetdür meger bu kâmet-i bâlâ

Ol âhû-çeşm-i şîr-efgen gamından bu dil-i miskîn

Girîbân çâk idüp tan mı tutarsa dâmen-i sahrâ

Leb ü dendânınun lutfın görelden merdüm-i çeşmüm

Gehî yâkût-ı nâb eyler yaşın geh lü’lü-yi lâlâ

Yolında pây-mâl ol Gülşenî ol serv-i bâlânun

Dilersen kim ola seyrân-geh-i cân âlem-i bâlâ

Turan, Selami (hzl.) (2011). Saruhanlı Gülşenî Dîvânı. Isparta: Fakülte Kitabevi. 121.

Şeyh İbrahim Gülşeni Hayatı ve Şeyhliği