MefāǾilün FeǾilātün MefāǾilün FeǾilün
1 Viśāl nādir olur hecrüñe yapışmalıdur
Lehįb-i nār-ı firāķa yanup alışmalıdur
2 TevāzuǾ ile zemįne egerçi düşmelidür
Bülend olup gül-i mihre seri irişmelidür
3 Muķallid-i yed-i beyżāsı olduġın ol māh
Duyarsa pençeǿ-i ħūrşįd ile ŧolaşmalıdur
4 Ķo ŧaǾnı rind-i mey-āşāma zāhidā yoķsa
Senüñle bir gün olur börkümüz ķarışmalıdur
5 Ledįġ-i devlet-i dünyā ķabarsa itme Ǿaceb
Ki nįş-i ħurdeǿ-i zenbūr-ı cāh şişmelidür
6 Muķaddem itdügi cevrüñ ider mükāfātın
Gelince rūyına ħaŧ yār ile ķonuşmalıdur
7 Eger çekişmeye bir kimse bulmasa vāǾiž
O tünd-ħū yaķasıyla hemān çekişmelidür
8 Ŧaġıtma şemǾ ile pervāne soĥbetin ey bād
Bu gice ol iki ĥasret gelüp ķavuşmalıdur
9 Bizi firāķ-ı ruĥuň itdi kehrübā gibi zerd
Senüñle ülfeti ķaŧǾ üzre çöp çekişmelidür
10 Bu ŧıfl-ı kürre-i nev-ħįzdür henūz ey dil
Sürin-ferbih olup her yeri gelişmelidür
11 Güneş żiyāsı sefer renci istemez Ĥāmį
Süķūt-ı noķŧa-i vāĥidle ħāmı pişmelidür
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017