Mefâ’ilün mefâ’ilün mefâ’ilün mefâ’ilün
1 Visâlün sanma teskîn itdi sûz-ı dâg-ı hicrânı
Güle bülbül karîb oldukça artar âh y efgânı
2 Senün hüsnün kitâbın bilmege meşgûl olurlar hep
‘Aceb mi hâceler okutsalar câna Gülistân’ı
3 Çekerse zâhidi râh-ı hudâ’ya rişte-i tesbih
Beni zencîr-i dûd-ı âh ider meczûb-ı sübhânî
4 Salındı dâr-ı ‘ukbâya cihândan göçdi çün Mansûr
Hakîkat gülşeninde gördüm ol serv-i hırâmânı
5 Ta’ayyün perdesin keşf eylemiş Nev’i-sıfat yüzden
Ulaşmış özge bir zevke ne cismânî ne rûhânî
Nevi