Yıkmaga eflâki âh-ı subhgâhumdur sebeb
Yakmaga dünyâyı sûz-ı sînegâhumdur sebeb
Hayberistân-ı vücûdı Haydar-âbâd itmege
Dâr-ı mülk-i fakr-ı fursat-fer sipâhumdur sebeb
3. Milket-i sabr u kanâ’at kim müsellemdür baŋa
Efser-i şâhî terek efser külâhumdur sebeb
Bu kafesgâh-ı fenâdan ‘azm-i ‘uzlet kılmaga
Tâyir-i kuds-âşiyân u cilvegâhumdur sebeb
5. Bî-vefâyân-ı mecâzîlerde vahşet görmege
NEHCİYÂ aŋla hakîkatle nigâhumdur sebeb
Üzeyir ASLAN, BESNİLİ NEHCÎ DEDE (1616-1680?) ve DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3372, ANKARA 2012