Yolına can virmege cānāne gelmişlerdenüz
Fāilātün fāilātün fāilātün fāilün
Yolına can virmege cānāne gelmişlerdenüz
Ṭālib·i derd olmışuz dermāne gelmişlerdenüz
Başumı ṭop itmeg içün zülfüñüñ çevgānına
ʿIşḳıñuñ meydānına merdāne gelmişlerdenüz
Mührüñi göñülde muḥkem ṭutmışum ḥaḳ söylerem
Ṣıdḳ ile Manṣurveş urġāne gelmişlerdenüz
Gülsitān·ı hüsnüñüñ her kūşesinde dōstum
Bülbül·i gūyā olup efġāne gelmişlerdenüz
Gelmişüm ḥüsnüñ zekātından ki şeyallah idem
Ṣanma bu derviş·i cānā nāne gelmişlerdenüz
Ey tabīb·i dil beni bend ile dermān vaktidür
Zülfüñüñ zencīrine dīvāne gelmişlerdenüz
Şemʿ·i ruẖsārına cānānuñ ey Mihrī dāˀimā
Yānalum pervāneveş çün yāne gelmişlerdenüz
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
