Mefūlü FāǾilātü MefāǾįlü FāǾilün

 

1 Žann itme kār rişte-i tedbįre baġlıdur

Ĥablü’l-metįn sikke-i taķdįre baġlıdur

2 Sūźį olur hemįşe giriftār-ı renc ü ġam

Hemvāre ķayd-ı pāy-ı Ǿaśāfįre baġlıdur

3 ǾAnber ķovānı resmidür ol ħāl-i müşk-bār

Gūyā sevād-ı ħıŧŧa-i keşmįre baġlıdur

4 Aġyāre yoķ duǾāda ser-i mū ķuśūrumuz

Āŝārı lįk ķuvvet-i teǿŝįre baġlıdur

5 Ser ħalķa-i münādimedür pįr-i mey-kede

Hep ehl-i Ǿişretüñ başı ol pįre baġlıdur

5a mey-kede] mey-fürūş MK2

6 Gelsün mi sįm ü zer bize dest-i tecelliden

Bį-çāre sicn-i kįsede zencįre baġlıdur

7 ǾAķluñ nedür vücūdı k’ola sedd-i rāh-ı Ǿaşķ

Bārik-i riştedür ki ser-i şįre baġlıdur

8 Mıśr-ı Ǿademde müftį-i bįġāne āşinā

Vaĥşį ġazallar gibi zencįre baġlıdur

9 İtmez duħūl bikr-i maǾānįye Ĥāmiyā

Beñzer ki şevĥer-i ķalem-i tįre baġlıdur

 

 

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017