KategorilerŞİİRİSTANNecati Bey ŞiirleriZülfüñ altında siñüb ẖaṭṭ·ı muʿanber gizlenür

Zülfüñ altında siñüb ẖaṭṭ·ı muʿanber gizlenür

21.03.2016

 

 

fāʿilātün fāʿilātün fāʿilātün fāʿilün


Zülfüñ altında siñüb ẖaṭṭ·ı muʿanber gizlenür
Ṣan ki dil almaġ içün puṣıda leşker gizlenür


Yaşumı görüb teraḥḥum idesin dirdüm velī
Aġladuġum bu ki gün görinse aẖter gizlenür


Gözlerüñ içün göñül zülfüñi bekler ẖākde
Çünki āhū ṣayd idenler böyle yir yir gizlenür


Kirpügüñ şevḳi ̮ile sīnem çāk olubdur şöyle kim
Degme nāẖun zaẖmınuñ içinde ẖançer gizlenür


Sīnede zülfüñ ẖayālin göricek didi göñül
Bir ḳarınca ininüñ içinde ejder gizlenür


Ḫāceden ol serv āzād olıcaḳ görse güneş
Ditrer endāmı ṣararur beñzi ḳaçar gizlenür


Yandı kül oldı Necātī eyle āhından ḥaẕer
Gāh olur ẖākister arasında aẖker gizlenü
 
Ali Nihad Tarlan, Necāti Divanı -

 Necati Bey Hayatı

Necati Bey Şiirleri

  

Yorum yapmak için lütfenKayıt Olunya da