Zülfüñ ü ḳaşuñ ḳadüñ gördüm ki cān andan çıḳar
Fāʿilātün fāʿilātün fāʿilātün fāʿilün
Zülfüñ ü ḳaşuñ ḳadüñ gördüm ki cān andan çıḳar
Bunlara cān virmeyen elbette cānāndan çıḳar
Tīr·i ġamzeñ ṭutmasun jengār ġamdan dōstum
Yüregümi yar gel peykānuñı ḳandan çıḳar
Bī-güneh maḥbūsdur çāh·ı zenaẖdānuñda dil
Zülfüñe aṣ ḳurtar ol miskīni zindāndan çıḳar
Ben vefā umduḳça ol bī-raḥm dil-ber āh kim
Cevri ḥadden aşurur nāzile orandan çıḳar
Ġamzesi düzdi bulup dilde ẖayālī ẖaznesin
Didi ancaḳdur ki dirler genc vīrāndan çıḳar
Zülfüñe baş ḳoşdı ġamzeñ yaḳdı diller şehrini
Şimdi fitne ʿāleme sen çeşm·i fettāndan çıḳar
Müddeʿī söziy(i)le elden çıḳardum yāri āh
Her geh şeyṭāna uyar elbette īmāndan çıḳar
Ey belā-keş Mihrī sen beñzer Belāyī neslisin
Saña dāˀim bī-vefālar ġālibā andan çıḳar
Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4
