Âşık olanı dut ki gül-istân içindedür

Âşık olanı dut ki gül-istân içindedür

Çün yârdan cüœâ ola zindân içindedür

Işkuñ müdâm göñlümi itmiş-durur makâm

Bu ulu genci gör ki ne vîrân içindedür

Dişlerüñüñ hayâli gözüm eyledi vatan

Gûher ki şâh-vâr ola  ummân içindedür

Agzuñ hadîsini sorana ben ne diyeyim

Kim ol nihân-ı râz dil ü cân içindedür

Müşgîn beñüñi lal-i lebüñde gören göñül

Didi ki Hızr çeşme-i hayvân içindedür

Kalmadı cân u dil ki gözüñ itmedi esîr

Dürlü belâ bu dâm-ı perîşân içindedür

Şeyhoglı defterini yile virdi rûzigâr

Göreli Ahmedî ki adı dîvân içindedür

Dr. Yaşar AKDOĞAN, Ahmedî DÎVÂN, KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ

Ahmedi Hayatı

Ahmedi Divanı

Cemşid ü Hurşid