Aslı o düzd-i gamzesinüñ Çaldıranlıdur

Çeşm-i siyâhınuñ revişi Isfahânlıdur

 

Ol nev-zuhûr-ı devlet-i hüsnüñ nazarı yok

Ser-hân-ı cevri neyleyeyüm imtinânlıdur

 

Ol kebg-i işve- bâzı görüp kuyruğın salur

Duyduk rakîb-i seg-menişi İhtimânlıdur

 

Ser-tâ-kadem tenâsüb-i a’zâ yirindedür

Yancıklı yanlı ol şeh-i nâz etli canlıdur

 

Yek mest-i nâz u işvedür afv eyle Sâbitâ

Kalma kusûrı gamzesine delikanlıdur