KategorilerŞİİRİSTANAşık Çelebi 16 yy– ŞiirleriBeni Sanman Ki Dilber ‘Işkı Böyle Mübtelâ Eyler

Beni Sanman Ki Dilber ‘Işkı Böyle Mübtelâ Eyler

26.02.2017

 

 

 

Beni Sanman Ki Dilber ‘Işkı Böyle Mübtelâ Eyler

 

Beni sanman ki dilber ‘ışkı böyle mübtelâ eyler

Beni böyle ezel bezmindeki kavl-i belâ eyler

 

Semâ’ idüp ‘aceb mi raksa girsem şevk-i şâdîden

O meh ‘uşşâka kasd-ı rahm idüp zikr-i vefâ eyler

 

Degül seng-i mezâr i’câz-ı la’lünle şehîd-i ‘ışk

Dirilüp yine ölmege elin açup du’â eyler

 

Salınur ‘Âşık ile ‘ıydda her ser ol bî-rahm

Benümle el yüzine el ucuyla merhabâ eyler

 

Bu hâlet ‘ışkdan yetmez mi ey sûfî-i zâhir-bîn

Seni cânân ile bî-gâne iken âşinâ eyler

 

Bilür ‘Âşık bilür cevr ü cefânun kıymet ü kadrin

Anunçün ol perî cevr ü cefâyı hep bana eyler

 

  https://edebiyatvesanatakademisi.com/post/asik-celebi-hayati-ve-eserleri-16-yy/75596

 

Yorum yapmak için lütfenKayıt Olunya da