Bir derde sataşdum ki devâ yâduma gelmez

Bir rence ulaşdum ki şifâ yâduma gelmez

Bir vechileyem cevr ü cefâ vü gama hem-dem

Şâdî vü ferah mihr ü vefâ yâduma gelmez

Yüz dürlü suhan düzedürem dimege derdüm

N’idem ki sataşanda saña yâduma gelmez

Agyârile yâri göricek hayretüm artar

Düşnâm u hicâ medh ü senâ yâduma gelmez

Men ol püserüñ ‘işvesine güveneyim kim

Işkında anuñ ata aña yâduma gelmez

Görseñ meni sen ser-hoş u âşüfte vümedhûş

Sen sorma sahın tanma baña yâduma gelmez

Men Rûşenîyem gerçi baña tîregî-i hecr

Öyle eser itdi ki safâ yâduma gelmez

Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E

 Dede Ömer Ruşeni Hayatı Eserleri

Dede Ömer Ruşeni Miskinname