BİLMEDÜM -GAZEL

Çin-i zülfün miske benzettüm hatasın bilmedüm
key perişan söyledüm bu yüz karasun bilmedüm.

Ben kara toprağ idim can verdi buyundan saba,
hey ne can-perver kıyamet dil-rubasın bilmedüm.

Kad kıyamet,gamze afet,zülf fitne, hat bela, 
ah kim ben hüsnünün bunca belasun bilmedüm.

Dün tabibe derd-i dilden bir deva sordum dedi:
gam yemeden özge bu derdin devasın bilmedüm.

Canıma bir merhaba sundı ezelde çeşm-i yar 
şöyle mest oldum ki gayrun merhabasun bilmedüm. 

Kaddi-dil-darın heva-darı değilse zülf-i yar
her kademde n'için öper hak-i pasın bilmedüm.

Kasdı hak etmek değilse ömrünü aşıkların,
ayağa n'için salar zülf-idü-tasın bilmedüm.

Ben keman-ı vaslını çekmek dilerdim dil-berin,
hecr hükm-endaz imiş tir-i kazasın bilmedüm.

Sidreye benzettiğim ayb etme cana kaddini,
k'anı benzetmekde bundan müntehasın bilmedüm.

Çün cihandan yeg bilir ma'şuk sırrın aşıkın,
pes neden dinler rakibin iftirasın bilmedüm.

Hak-i payın açtı dil çeşmim ki gördüm hüsnünü,
nice cevherdendir anun tutiyasın bilmedim.

 

 

       Ahmet Paşa Hayatı ve Edebi Kişiliği 15. yy

       15. Yy Divan Edebiyatı Ahmet Paşa Necati Şeyhî Şiirlerinden Örnekler

       Ahmet Paşa Hayatı ve Edebi Kişiliği 15. yy