Cism-i Sad-çâküm Görinmez Oldı Yâre Yâreden

Cism-i Sad-çâküm Görinmez Oldı Yâre Yâreden

Cism-i sad-çâküm görinmez oldı yâre yâreden

Yaradupdur yaradan ben zârı benzer yâreden

Keştî-i cânı salup deryâ-yı ‘ışka şimdi dil

Sâhil-i zülfe çıkup âlet onarur karadan

Sana hercâyî disem tan mı ki gördüm ben seni

Her şikest içre bu mir’ât-ı dil-i sad-pâreden

‘Aks-i şem’ ü şâhid ile câm-ı pür-mey pür-habâb

Fârig itdi bezmümüz mihr ü meh ü seyyâreden

Döymiye peykân-ı ‘ışk u tîşe-i derd ü gama

Ten olup pûlâddan cân olsa seng-i hâreden

Tutmaga ‘Âşık seg-i kûyı dehânın cân u dil

‘Ârifâne virdiler cismi çıkarup aradan

  https://edebiyatvesanatakademisi.com/post/asik-celebi-hayati-ve-eserleri-16-yy/75596