Çün cebînüñle ruhuñdur ‘ıyd u nevruzum menüm
Nice buhtû tapmasun bu baht-ı fîrûzum menüm
Kâkül-i gül-pûş u ‘anber-pâş u nâfebâruñuñ
Bûyıdur her demde tapuña kulavuzum menüm
Sensin iy serv-i sehî-sâye semen-sâ sünbülüm
Gül-ruhum bülbül-zebânum gülşen-efrûzum menüm
Yandurub sînem tenûrın bagrumı biryân kılur
Âh-ı dûd-engîz u âteş-bâr u dil-sûzum menüm
‘Işk her dem çâk idüb ider kabâ pîrâhenüm
Gerçi ‘akluñ derzisidür pîrehen-dûzummenüm
Olmazam yâd itmeden men bir nefes hâlîseni
Ger tozub toprak olub gitse göge tözüm menüm
Rûşenîyem meskenüm geh zulmet ü geh nûrdur
‘Aks-i mûy u rûyuñ olalı şeb ü rûzum menüm