Dil-dâre gönül ver kim ol hânesini gözler

Mef’ûlü mefâîlün mef’ûlü mefâîlün

Dil-dâre gönül ver kim ol hânesini gözler

Zülfüne esîr olan dîvânesini gözler

Mecliste per ü bâlin yok sûfî sefâlar sür

Kim şem'-i şeb-istânın pervânesini gözler

Meyhâne-i aşk içre baş vur ayağa sâlik

Ol sâkî-yi cân-perver mestânesini gözler

Gencîne-i sırrını sînende onat sakla

Kim defn eden ol kenzi vîrânesini gözler

Her nâvek-i gamına tut sîneni ey Şemsî

Kim ol şeh-i tîr-endâz nişânesini gözler

Şemseddin Sîvâsî Divanı • Recep Toparl

 Şemseddin Ahmed Sivasi Hayatı Şeyhliği Şairliği Şiirleri