Dil-i vîrânımı ne mîr ü ne bir şâh yapar
12.04.2016
(Feilâtün Feilâtün Feilâtün Feilün)
1 Dil-i vîrânımı ne mîr ü ne bir şâh yapar
Dest-i mimâr-ı keremle anı Allâh yapar
2 Ey kavî-bünye-i ikbâl dilimden hazer et
Niçe mamûreleri bir şerer-i âh yapar
3 İttifâkî çekemem lutf-ı kerem-kârânı
Beyt-i ikbâlimi bahtımda benim kâh yapar
4 Semt-i bîgâneden ümmîd-i imâret etme
Niçe vîrâneyi bir câm ile ol mâh yapar
5 Haşmetâ kendini yap cây-ı harâbâtda sen
Beyt-i vîrân-şudeni Hazret-i Allâh yapar
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),
